हालान्डको दुई गोलमा सिटी विजयी

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौं । युईएफए च्याम्पियन्स लिगमा म्यानचेस्टर सिटीले विजयी सुरुवात गरेको छ । बुधबार बिहान सम्पन्न खेलमा इंग्लिस क्लब म्यानचेस्टर सिटीले पोर्चुगिज क्लब पोर्टोलाई उसकै मैदानमा २–० गोलले पराजित गरेको हो ।पोर्टोको घरेलु मैदान एस्टाडियो डो ड्रागाओमा भएको खेलमा सिटीको जितमा स्टार फरवार्ड एर्लिङ हालान्ड नायक बने । उनले दुवै गोल गर्दै टोलीलाई महत्वपूर्ण तीन अंक दिलाए ।

पहिलो हाफ गोलरहित बराबरीमा सकिएको खेलको दोस्रो हाफ सुरु भएको केही समयमै हालान्डले सिटीलाई अग्रता दिलाएका थिए । उनले ४७औँ मिनेटमा गोल गर्दै खेलको खाता खोलेका थिए ।

त्यसपछि पोर्टोले खेलमा फर्किने प्रयास गरे पनि गोल गर्न सकेन । खेलको इन्जुरी समयमा हालान्डले व्यक्तिगत दोस्रो गोल गर्दै सिटीको जित सुनिश्चित गरे । उनले ९०+१औँ मिनेटमा गोल गरेका थिए ।

सिटीले खेलभर बलमा पकड राख्दै पोर्टोमाथि लगातार दबाब सिर्जना गरेको थियो । पोर्टोले घरेलु मैदानको फाइदा उठाउने प्रयास गरे पनि म्यानचेस्टर सिटीको बलियो रक्षापंक्ति तोड्न सकेन । जितसँगै म्यानचेस्टर सिटीले च्याम्पियन्स लिगको नयाँ सिजनमा सुखद सुरुवात गर्दै तीन अंक जोडेको छ ।