एमबीएस प्रथम सेमेस्टरको प्रश्नपत्र गोप्य रूपमा फैलाएको आरोपमा थप दुई जना पक्राउ

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौं, त्रिभुवन विश्वविद्यालयअन्तर्गत व्यवस्थापन संकायको एमबीएस प्रथम सेमेस्टरको एमजीटी ५१५ विषयको प्रश्नपत्र परीक्षा अघि विभिन्न हृवाट्सएप समूहमा सार्वजनिक गरेको प्रकरणमा संलग्न रहेको आरोपमा नेपाल प्रहरीले थप दुई जनालाई पक्राउ गरेको छ ।

केन्द्रीय अनुसन्धान ब्युरो (सीआईबी)ले सोमबार जारी गरेको प्रेस विज्ञप्तिअनुसार शिक्षा ऐन, २०२८ अन्तर्गतको कसूरमा अनुसन्धानका क्रममा थप दुई जनालाई पक्राउ गरी अदालतबाट म्याद थप अनुमति लिएर अनुसन्धान अघि बढाइएको हो । पक्राउ पर्नेमा रौतहटको राजदेवी नगरपालिका–४ स्थायी घर भई हाल काठमाडौं महानगरपालिका–३२ ताहाचल बस्ने २५ वर्षीय अनुनल कुमार मिश्र र बाराको लिपनीमाल–१ स्थायी घर भई हाल पर्साको वीरगञ्ज महानगरपालिका–८ बस्ने ३१ वर्षीय अब्दुल सानी हाकिम रहेका छन् ।

सीआईबीका अनुसार गत साउन ८ गते सञ्चालन भएको एमबीएस प्रथम सेमेस्टरको एमजीटी ५१५ विषयको प्रश्नपत्र परीक्षा अघि नै विभिन्न हृवाट्सएप समूहमार्फत सार्वजनिक भएको घटनाको अनुसन्धानका क्रममा उनीहरूको संलग्नता खुलेपछि क्रमशः साउन १० र ११ गते पक्राउ गरिएको हो । प्रहरीले यसअघि पक्राउ परेका व्यक्तिहरूमाथिको अनुसन्धानसँगै थप संलग्न व्यक्तिहरूको खोजी तथा घटनाको विस्तृत अनुसन्धान जारी रहेको जनाएको छ ।