कांग्रेसले आफूलाई समयअनुसार रुपान्तरण गरेको छ : डा भट्टराई

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौँ, पूर्वप्रधानमन्त्री डा बाबुराम भट्टराईले नेपाली कांग्रेसले आफूलाई समयअनुसार रुपान्तरण गर्न सकेको बताएका छन्। नेपाली कांग्रेसको १५औँ राष्ट्रिय महाधिवेशनको उद्घाटन सत्रमा आज शुभकामना मन्तव्य व्यक्त गर्दै डा भट्टराईले राष्ट्रिय तथा अन्तर्राष्ट्रिय परिवेशलाई आत्मसात् गरी कांग्रेस समयानुकूल परिवर्तन भएको बताए।देशमा संविधान जारी भएपछि लोकतन्त्रको एउटा चरण पूरा भएको र अब पुराना पार्टीको रुपान्तरण वा वैकल्पिक शक्ति आवश्यक रहेको भन्दै आफूले १२ वर्षअघि अभियान सुरु गरेको स्मरण गर्दै उनले रुपान्तरणको नारासहित कांग्रेस अघि बढेकामा खुसी व्यक्त गरे।

डा भट्टराईले भने, “पुराना पार्टी रुपान्तरण हुनुपर्छ, होइन भने सबै दलका रुपान्तरणकारीहरू मिलेर एउटा पार्टी बन्नुपर्छ वा वैकल्पिक शक्ति बन्नुपर्छ भनेर नेकपा (माओवादी) मा हुँदै मैले भनेको थिएँ। १२ वर्षपछि यो सिद्ध हुँदै गएकामा खुसी व्यक्त गर्दछु।”“विश्वमा भएको चमत्कारिक विकासका बीच हाम्रा दलहरू हिजोको ढाँचामा रहनुहुँदैन। राष्ट्रिय र अन्तर्राष्ट्रिय परिवेश बुझ्न जरुरी छ। नयाँ सिक्न नजान्ने मान्छे एक प्रकारले निरक्षर हुन्। हामी सबै दलले आगामी २० वर्षको योजना बनाउनमा प्रतिस्पर्धा गरौँ। जसको राम्रो हुन्छ, त्यसको योजना कार्यान्वयन गरौँ”, उनले भने।

डा भट्टराईले नेपालको चुनौतीको सामना गर्न कांग्रेसले अग्रणी भूमिका खेलोस् भन्दै आफूहरू शान्ति प्रक्रियामा आउँदै गर्दा एक विदेशी पत्रकारले सोधेको प्रश्नमा गगन थापालाई भोलिको नेताका रूपमा चित्रण गरेको स्मरण गरे।