माछापुच्छ्रे बैंकको नायब प्रमुख कार्यकारीमा पाँडे

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौं, माछापुच्छ्रे बैंक लिमिटेडको नायब प्रमुख कार्यकारी अधिकृत पदमा कल्याण विक्रम पाँडे नियुक्त भएका छन् । उनले यही साउन २९ गते (१४ अगस्ट २०२६) देखि बैंकमा नायब प्रमुख कार्यकारी अधिकृतको रुपमा पदभार ग्रहण गरेको बैंकले जानकारी दिइएको छ ।

बैंकिङ क्षेत्रमा करिब २५ वर्षभन्दा बढिको अनुभव संगालेका नवनियुक्त नायब प्रमुख कार्यकारी अधिकृत पाँडेले यसअघि ग्लोबल आईएमई बैंक, साविकको जनता बैंक, लक्ष्मी बैंक तथा कुमारीलगायतका बैंकमा विभिन्न महत्वपूर्ण जिम्मेवारीमा रहेर काम गरिसकेका छन् ।

बैंगलोर विश्वविद्यालयबाट वित्त विषयमा एमबीए प्रथम श्रेणी साथै अलिगढ मुस्लिम विश्वविद्यालयबाट इलेक्ट्रीकल इन्जिनियरिङ वीथ अर्नसमा बिटेक उपाधि हासिल गर्नुभएका नवनियुक्त नायब प्रमुख कार्यकारी अधिकृत पाँडेसंग योजना तथा कार्यान्वयन, कर्पोरेट तथा पूर्वाधार, एसएमई तथा रिटेल बैंकिङ, व्यवसाय रूपान्तरण तथा डिजिटलाइजेसन, जोखिम व्यवस्थापन तथा अनुपालनलगायत ट्रेड फाइनान्स तथा ट्रान्जेक्सन बैंकिङ क्षेत्रको गहिरो अनुभव रहेको छ । त्यसैगरी, मर्जर, एक्विजिसन तथा एकीकरण, वित्तीय विश्लेषण तथा उत्पादन विकास, दिगो तथा हरित बैंकिङलगायतका क्षेत्रमा समेत उहाँले महत्वपूर्ण अनुभव हासिल गरेका छन् ।

नेतृत्व क्षमता तथा नतिजामुखी कार्यशैलीका लागि परिचित पाँडेको नियुक्तिसँगै माछापुच्छ्रे बैंकले लामो बैंकिङ अनुभव, तथा वित्तीय विशेषज्ञताबाट बैंकको व्यवसाय विस्तार, सेवा प्रवाहमा सुधार र रणनीतिक लक्ष्य प्राप्तिमा महत्वपूर्ण योगदान पुग्ने विश्वास लिएको छ ।