सशस्त्रका एआईजी दाहाललाई सेवाबाट हटाइयो

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौँ, सरकारले सशस्त्र प्रहरी अतिरिक्त महानिरीक्षक (एआईजी) वंशी राज दाहाललाई सेवाबाट हटाएको छ।गृह मन्त्रालयले अनुशासनहीन कार्य गरेको तथा नेपाल सरकार वा आफू कार्यरत संगठनको मान, प्रतिष्ठा र छविमा आँच पुर्‍याएको कसुरमा दाहाललाई आजदेखि लागू हुने गरी सशस्त्र प्रहरी सेवाबाट हटाउने विभागीय कारबाही गरेको हो।

गृह मन्त्रालयद्वारा जारी विज्ञप्तिमा दाहालले आचरणसम्बन्धी प्रावधान पटक–पटक उल्लङ्घन गरेको उल्लेख छ।सुरक्षासँग सम्बन्धित संवेदनशील सूचना चुहावट गरेको आरोपमा गृह मन्त्रालयले दाहाललाई यही असोज १९ गते निलम्बन गरेको थियो।

सशस्त्र प्रहरी बल, नेपालबाट दाहालले पदीय आचरणविपरीत कार्य गरेको भन्दै कारबाहीको सिफारिस प्राप्त भएपछि मन्त्रालयले उनलाई निलम्बन गरी छानबिन अघि बढाएको थियो। छानबिनपछि मन्त्रालयले दाहाललाई सेवाबाट हटाउने निर्णय गरेको हो।