झिनो अंकले उक्लियो शेयर बजार

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

शेयर बजार परिसुचक नेप्से झिनो अंकले उकालो लागेको छ । अघिल्लो दिन पाँच दशमलव शुन्य छ अंकले ओरालो लागेको नेप्से परिसुचक साताको अन्तिम कारोबार दिन आज शुक्रबार एक दशमलव ६३ अंकले उकालो लागेर २७ सय दुई दशमलव ११ बिन्दुमा चढेको छ ।

क बर्गका कम्पनीहरुको कारोबार मापन गर्नै सेन्सिटिभ इन्डेक्स पनि शुन्य दशमलव ३१ अंकले उकालो लागेर चार सय ६३ दशमलव ९८ बिन्दुमा चढेको छ । धितोपत्र बजारमा आज तीन सय ५३ वटा कम्पनीहरुको ६१ हजार एक सय ७० पटकको कारोबारमा एक करोड नौं लाख २२ हजार पाँच सय २५ कित्ता शेयर किनबेच भएका छन् । सोही किनबेचका आधारमा आज कुल कारोबार रकम चार अर्ब ५३ करोड ४९ लाख ८३ हजार पाँच सय ६८ रुपैंयाँ पुगेको छ ।

धितोपत्र बजारमा आज १३ वटा उपसमुहहरुको शेयर कारोबार भएका छन् । जसमध्ये बाँणिज्य बैंक, बिकास बैंक, निर्जीवन बीमा, होटल तथा पर्यटन, लगानी र अन्य उपसमुहको सुचक ओरालो लागेका छन् भने फाईनान्स, जलबिद्युत, जीवन बीमा, लगानी, उत्पादनमुलक, लघुवित्त र व्यापार उसमुहको सुचक उकालो लागेका छन् ।