सुस्तामा सशस्त्र प्रहरीद्वारा २९ जना नागरिकको सकुशल उद्धार

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौं, अविरल वर्षाका कारण पश्चिम नवलपरासी जिल्लाको सुस्ता गाउँपालिका–५ सुस्ता स्थित नारायणी नदीमा जलसतह बढ्न गई बस्ती डुबानमा परेपछि सशस्त्र प्रहरीले २९ जना नागरिकको सकुशल उद्धार गरेको छ ।

असोज ९ गते परेको अविरल वर्षाका कारण नारायणी नदीको बहाव बढेर थारुटोलाका घरहरूमा पानी पसेपछि १० गते बिहान अन्दाजी पौने ९ बजे सशस्त्र प्रहरी बल, नेपाल बीओपी सुस्ताबाट उद्धार टोली परिचालन गरिएको थियो । सशस्त्र प्रहरी निरीक्षक मनोज कार्कीको कमान्डमा खटिएको २१ जनाको टोलीले डुबानमा परेका २९ जना स्थानीय बासिन्दाहरूलाई सकुशल उद्धार गरेको हो ।

मानवीय उद्धारका साथै उक्त टोलीले १ वटा गाई र १३ वटा बाख्राहरूको समेत सुरक्षित स्थानमा सारेको छ । उद्धार गरिएका सम्पूर्ण बासिन्दा तथा चौपायाहरूलाई सुस्ता गाउँपालिका–५ सुस्तामा रहेको होल्डिङ सेन्टरमा स्थानान्तरण गरिएको छ । उक्त बाढी प्रभावित क्षेत्रमा सशस्त्र प्रहरी बल, नेपालद्वारा थप उद्धार कार्य निरन्तर जारी राखिएको छ ।