भोटेकोशी बाढी प्रभावितका लागि सानिमा रिलायन्सको ७२ लाखको राहत

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौं, यही भदौ १० गते रसुवासहित देशको विभिन्न स्थानमा आएको विनाशकारी बाढीबाट प्रभावित नागरिकहरूको उद्धार, राहत, पुनःस्थापना तथा मानवीय सहयोगका लागि सानिमा रिलायन्स लाइफ इन्स्योरेन्स कम्पनीले रकम सहयोग गरेको छ ।

कम्पनीले नेपाल सरकारको राहत तथा पुनर्निर्माण कार्यमा ऐक्यबद्धता जनाउँदै ५१ लाख तथा संचालक र कर्मचारीहरूको २१ लाख रुपैयाँ योगदानसहित प्रधानमन्त्री दैवी प्रकोप उद्धार कोषमा जम्मा ७२ लाख रुपैयाँको एकमुस्ट रकमको चेक अर्थमन्त्री डा. स्वर्णिम वाग्लेलाई हस्तान्तरण गरिएको कम्पनीले जानकारी दिएको छ ।

कम्पनीले दिवङ्गत आत्माहरूप्रति श्रद्धासुमन तथा घाइतेहरूको शीघ्र स्वास्थ्यलाभको कामना गर्दै प्रभावित नागरिकहरूको उद्धार, राहत तथा पुनःस्थापनाका लागि भइरहेका प्रयासमा सबै पक्षबाट आवश्यक सहयोग र सहकार्यको अपेक्षा गरेको छ ।