२०८३ सालको भैरव पुरस्कार पाउनेको नाम घोषणा

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौं, नेपाली साहित्यका विराट प्रतिभा भैरव अर्यालको स्मृतिमा स्थापित विभिन्न तीन प्रतिष्ठित पुरस्कार प्राप्तकर्ताहरूको नाम भैरव पुरस्कार गुठीले बिहीबार सार्वजनिक गरेको छ ।

गुठीका उपाध्यक्ष एवं साहित्यकार गोपाल प्रसाद बरालको अध्यक्षतामा राजधानीमा बिहीबार सम्पन्न गुठीको बैठकले पुरस्कार प्राप्तकर्ताहरूको नाम अनुमोदन गरेको हो । २०८३ सालको भैरव पुरस्कार हेटौडा निवासी वरिष्ठ हास्य व्यङ्ग्यकार आरसी रिजाललाई प्रदान गरिने भएको छ । यो पुरस्कारको राशी १ लाख ११ हजार १ सय ११ रुपैया रहेको छ । यस्तै १ लाख १ हजार १ सय ११ रुपैयाँ राशीको भैरव वाङ्मय पुरस्कार वरिष्ठ चित्रकार टेकवीर मुखियालाई प्रदान गरिने गुठीले जनाएको छ ।

साथै, ५१ हजार १ सय ११ रुपैयाँ राशीको भैरव प्रतिभा पुरस्कार देवीप्रसाद चापागाईँलाई प्रदान गरिनेछ । पुरस्कार अर्पण समारोह असोज १८ गते आइतबार भैरव स्मृति भवनमा आयोजना गरिने जानकारी गुठीले दिएको छ । गुठीले पुरस्कार प्राप्तकर्ताहरूको नाम छनौट गर्न साहित्यकार विमल अर्यालको संयोजकत्वमा गुठीका सचिव वसन्त रिजाल र साहित्यकार प्रल्हाद पोखरेल रहेको चयन समिति गठन गरेको थियो ।