नेपाल लाइफको बोनस सेयर डिम्याट खातामा

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौं, नेपाल लाइफ इन्स्योरेन्स कम्पनी लिमिटेडको बोनस सेयर डिम्याट खातामा जम्मा भएको छ । कम्पनीका अनुसार गत पुस १९ गते सम्पन्न २६औं वार्षिक साधारणसभाले पारित गरेको बोनस सेयर सम्बन्धित सेयरधनीको डिम्याट खातामा जम्मा भएको हो ।

कम्पनीको उक्त साधारणसभाले आर्थिक वर्ष २०८१/०८२ का लागि पाँच प्रतिशत बोनस सेयर पारित गरेको थियो । उक्त बोनस सेयर नेप्से र सीडीएस एन्ड क्लियरिङमा दर्ता तथा सूचीकृत भई कारोबार हुने व्यवस्थासमेत भइसकेको छ । कम्पनीले गत पुस ७ गतेभन्दा अघिल्लो दिनसम्म नेप्सेमा कारोबार भई लिखतमा रहेका सेयरधनीहरूको डिम्याट खातामा बोनस सेयर पठाएको हो ।

साथै पुस ६ गतेसम्म सेयर धितो राखेर ऋण लिएका सेयरधनीको हकमा ऋण दिने संस्थाको नाममा रोक्का जनाइएकाले कर्जा चुक्ता भएपछि सम्बन्धित संस्थामा सम्पर्क गरी बोनस सेयर फुकुवा गर्न आग्रहसमेत गरेको छ ।